انا والنجوم وقفاك

النهارده جايبلكم برنامج أنا والنجوم وقفاك بتاع المذيع المشهور جدا طبعا
سيكرت منير: ((أحببتك حباً لم يحببه حبوب لأحداً من الحبايب بكل الحب هنتكلم عن الحب ))
مستمعينا بنرحب بيكوا فى حلقتنا النهاردة ونقول ألووووووو
المتصلة : ألو (بصوت رقة مصطنع طبعا لأنها خايفة أبوها يصحى)
سيكرت منير: نتعرف بيكى
المتصلة : أنا عنايات
سيكرت منير : أزيك يا عنايات بنرحب بيكى وعايزين نعرف أيه مشكلتك
عنايات : أنا مشكلتى أنى مش عارفة ألاقى الحب الحقيقى, ارتبطت بــ 7 شباب وأنا فى سنة أولى, لكن فى كل مرة مكنتش بلاقى الفارس اللى حيخطفنى على الحصان الأخضر
سيكرت منير : قصدك الحصان الأبيض
عنايات : لا انا بحب الأخضر أكتر, المهم اتخطيت المحنة دى وقلت أبدأ حياتى من جديد لما كنت بعيد سنه أولى, بس برضه ملقيتش الأنسان الكويس فى الــ 5 شباب اللى ارتبطت بيهم
سيكرت منير : طب وعملتى أيه بعد كده يا عنايات]
عنايات : قلت أستقر واتجوز يمكن ألاقى الحب الحقيقى مع اللى حتجوزه
سيكرت منير : طب ده كلام كويس قوى, أهو تلاقى على الأقل حد يلمك
عنايات : ماهو المشكلة برضه أنى مالقيتش الأستقرار فى الــ 4 مرات اللى اتجوزت فيهم
سيكرت منير : مممممممممم
عنايات : تفتكر يا أستاذ حرحش المشكلة فى أيه, أنا حاسة أنه العيب مش فيا, بس مش عارفة العيب فى مين
سيكرت منير : عنايات (بيقولها طبعا بصوته الساحر الشاجى الباكى الحساس) انتى مشكلتك أنك محتاجة الحنــــــــــــــــان, لأنك وانتى صغيرة مامتك ماكنتش بترضى تجيبلك كتاكيتو الشمعدان, وده خلى عندك عدم ثقة فى الرجالة, وعلاجك أنك تواجهى أمك بمشكلة الشمعدان, وقتها بس حتحسى بالأمان والحنـــــــــــان
عنايات : انا مش عارفة أشكرك أزاى يا أستاذ حرحش على تفسيرك للموضوع, ده فعلا اللى أنا حاساه, وده حيحللى مشكلتى أكيد مع الــ 2 اللى ماشية معاهم دلوقتى
سيكرت منير : بنشكرك يا عنايات ونسمع دلوقتى أغنية رومانسية بعنوان ((العنب))

هههههههههههههه
موضوع جامد جدااااااااا شكرا جدااا على مجهودك وانا سعيد لانى اول واحد ارد على الموضوع الجميل دة

يارب دايما
وميرسى على ردك