RoRa عضو سوبر
عدد المساهمات : 393 تاريخ التسجيل : 23/06/2009 العمر : 35
| موضوع: اتفرج على اعلانك المفضل واحبط نفسك الجمعة يوليو 03, 2009 4:43 am | |
| السلام عليكم ورحمة الله وبركاته
نظرا لزيادة الاعلانات فى تلك الفتره أحببت أن أضع بين أيديكم البعض منها والذى تشتاق النفس لسماعها ورؤيتها كثيرا وكثيرا وكثيرا الى أن تتغلغل وتنتشر وتتسرب داخل أذهاننا واليكم الاعلانات :
سيراميكا " زحلئكوا " بجماله الخلاب والوانه الجذابة ونعومته الباهره زحلئكوا يتمتع بنعومة الملمس وبريق لا حدود له تقدر تستمتع بنعومة سيراميكا وانت مستلقى فى الحمام على جنبك او ظهرك ويمكنك كمان تتزحلق على بطنك ولن تشعر بأى جروح او اعراض جانبيه من أجل كسور مضمونه للمدام انتهز الفرصه مع زحلئكوا
مشروب " نعنشنى " بمناسبة شهر الصيف نعنش نفسك مع المشروب الصيفى اللذيذ نعنشنى معاك فى العربيه وفى الشارع وفى الجامعه وانت نايم كمان هتصحى من نومك على والدك وتقوله بابا انا عاوز نعنشنى اى نعم بما انه نايم هينعنشك بقلم معتبر بس مش مهم المهم عيش حياتك مع نعنشنى مشروب المساطيل ..
شامبو أبو جلمبو 2 * 1 ومستغرب ان لحد وقتنا هذا محدش عارف يجاوب ان 2 * 1 بـــــ= 2 التعليم مستواه انحدر اوى منتجنا اليوم مختلف وجديد مع ابو جلمبو مش هيبقى فى قشرة فى فروة راسك المعفنه ومش هيبقى فى طحالب وحشرات زى زووومان وتقدر كمان مع ابو جلمبو لو انت اقرع فى خلال 13 سنه ابو جلمبو بتركيبته القويه السحريه الجاذبيه الارضيه بينبت الشعر من جديد فى راسك وابقى قابلنى ...
شفرات الحلاقة كانت زمان عائق فى حياتنا دلوقتى مع شفرة " متجرحنيش " مش هنعانى زى الاول الشفرة مصممة بطريقه لولبيه بحيث انك لو مشيتها على وش مراتك وقت غضب ولا اجدعها دكتور يقدر يعالجها يعنى شفرة متينه مية المية نقدر نستخدمها مع زوجاتنا ذوات الطلبات الكتير مع اصحابنا الرخمين التلمين على الدائرى أثناء ممارسة مهنة تثبيت الاخرين ومع مراقب اللجنه فى الامتحان الشفرة معاها غطاء بلاستيك تقدر تحطها فيه عشان مدمنى وضع الشفرات فى بؤهم ميعانوش من اى تعب
معانا اليوم عرض ولا كل العروض كولدير " الطراوة " مزود بحنفيتين واحده باردة واخرى ساخنه البارده طبعا لو قاعد فى الصاله ترش شويه يجيبولك طراوة او لو حد مضايقك من البلكونه ممكن ترش عليه بس الخوف ليفهم غلط اما الحنفيه السخنه فدى هديه من الشركه المصنعه وغرضها كالتالى مراتك لو صدمتك بطلب مفزع تملى الكوب الى اخره مياه ساخنه وتنضح به وجهها وبكداا نكون عملنا لها تشوه لا شفاء له باذن الله والكوب مزود بحبل غسيل مربوط بالكولدير عشان حالات سرقة الكوبايات المنتشرة فى البلد....
عرضنا اليوم مش زى باقى العروض عرضنا ده لضمان مستقبل افضل طبعا مش ليك ده لاحفاد احفادك باذن الله فيلا تطل على البحر وكمان فيها تواليت سباحه وبانيو كبير سعة حمار وحمارته اضافة الى جنينه كبيرة من البرسيم الاخضر أقساط الفيلا على 83 سنه بسعر غير عادى " لازم يكون غير عادى طبعا " يعنى لازم تسرق من بلاد الله الواسعه ما تجود به نفسك عشان تقدر تفرفش احفاد احفاد اللى جابوك من فلوس اهلك اللى جمعتهاااا
اما اليوم بئه معانا عرض جبار خطير شرير موبايل الملايين موبايل اليوم به امكانيات مش هتلاقيها فى أحدث الموبايلات يمكنه تسجيل 11 رقم من ارقام اصحابك وكمان يستقبل 7 رسايل من النوع الطويل " ابسط ياعم " الى جانب خاصية اتحداك ان وجدتها فى الموبايلات الأى كلام وهى اظهار رقم الطالب وكمان تقدر ترن على كل اللى تعرفهم ومجانا ياعم عدوا الجمايل وأكيد برضه هنظبطك فى السعر " ياويلكـــ"
تنافسا مع المنظفات المنتشرة فى الاسواق وادوات التجميل توالى صابونة " رغينى بشويش بشويش " التى حققت انتشارا واسعا فى الفتره الاخيره عن منافستها زى انا والنعناع و ياخارجة من باب الحمام ومعكيش فوطه و البس بيجامتك قامت قيامتك ولاكن صابونتنا رغينى بشويش بشويش والتى تتمتع بمادة زغزغنى وأنا بستحمى واللى معظم الشباب بيقبلوا على شرائها وده لان الصابونه بتركيبتها العطريه الدمويه الملوخيه الطعميه بتحسسه ان الموزة بتاعته هى اللى بتزغزغه وان ملمس الصابونه هو ايد الموزة والله شباب مراهق مش عارفين نعمله ايه اكتر من كداااا...
دى كانت بعض الاعلانات اللى تحرق الدم بتعجَّب اوى لو فى مسلسل شغال بيجيبوا اعلانات بحجم المسلسل الفين مره والغريب انها هى هى نفس الاعلانات مش عارف بيحرقوا دمنا ولا بيسغفلونا ولا بيطبقوا معانا قانون " متقدرش " يعنى تقعد تتفرج على مسلسل او برنامج تطلع بفوائد وهى القدرة على الحفظ من كمية الاعلانات اللى بئه عندك استحمام قصدى استعداد تسمعها عن ظهر قلب بكره نشوف ونسمع عن مسلسلات الاعلانات ان شاء الله ونرجع ونقول
واهو بكرة نقول كانت غلطه وعيشنالنا يومين | |
|
Admin مدير عام
عدد المساهمات : 468 تاريخ التسجيل : 26/05/2009 العمر : 32 الموقع : my loveb4evor العمل : طالب المزاج : عادى
| موضوع: رد: اتفرج على اعلانك المفضل واحبط نفسك الجمعة يوليو 03, 2009 7:13 am | |
| بجد موضوع جااااااااااامد جداا جدااا بجد وجامد اوى بتاع البلاط دة | |
|
RoRa عضو سوبر
عدد المساهمات : 393 تاريخ التسجيل : 23/06/2009 العمر : 35
| موضوع: رد: اتفرج على اعلانك المفضل واحبط نفسك الجمعة يوليو 03, 2009 5:25 pm | |
| هههههههههههههههههههههههههههه زحلكوا ههههههههههههه شكرا يا كريم على ردك بس اهم حاجة ةقولى اتشليت؟؟ | |
|
naughty girl عضو سوبر
عدد المساهمات : 257 تاريخ التسجيل : 13/06/2009 العمر : 29 الموقع : مصر العمل : طالبة المزاج : مقضياها
| موضوع: رد: اتفرج على اعلانك المفضل واحبط نفسك الجمعة يوليو 03, 2009 8:24 pm | |
| على فكره جااااامد اوى بتاع الشامبو بجد مواضيعك كلها جامده | |
|
RoRa عضو سوبر
عدد المساهمات : 393 تاريخ التسجيل : 23/06/2009 العمر : 35
| موضوع: رد: اتفرج على اعلانك المفضل واحبط نفسك السبت يوليو 04, 2009 2:13 am | |
| هههههههههههههه كل واحد بيتشل من اعلان معين انا بقى مفيش حاجة بتاثر ههههههههههههههه وشكرا ليكى على ردك | |
|