* بلاش تمشى حافى البس شبشب وانته داخل الحمام .
*فلوسك بتروح فين يا هبله انتي بتصرفي على الصبيان؟؟.
*مع ان الواحد كل سنة بينجح و رغم كدة يقولولك ابقى تف على وشى لو نجحت كل سنة الكلام دة
:D .
* ماتتأخرش علشان عندك كلية بكرة بدرى.
* انا : ياماما بقه ايه ده ؟؟؟
ماما:مووو لمـا يــــــخدك .
* ادلعى ياهبلة فى ايامك المهببه .
* هو انا الخدامه الى ابوكم جبهلكم .
* الى يطلع من الاوضه يطفى النور وراه .
*أبوك عندك أهو اتصرف معاه .
* لو مش فاهم حاجه ارفع ايدك و قول للأستاذ مش فاهم .. متتكسفش .
* يأبنى المذاكره مابتخلص .... نفسى اشوفك مره ماسك كتاب.
* اعمل حسابك مش حندخلك جامعه خاصه.
* قالب ليلك نهارك طول الليل صاحى وطول النهار نايم
طبعاً ما حضرتش ولا محاضرة ولا سكشن , وطول اليوم صايع بره البيت .
* مالكش دعوة بالسياسة .. وماتمشيش في مظاهرات .و امشي جوا الحيط
:D .
* احمد ربنا الاكل الى مش عجبك ده فى ناس مش لقينه .
*والله لو منضفتيش الشقه ومسحتيها ما في نزول النهرده .
* قومي سخني الأكل لأخوكي.
* ابوكم كان دايم بيطلع الاول على الفصل... " لما كلهم كده امال مين الى بيطلع الاخير .