واحد حرامى سرق باب من واحد مسطول ...... فالمسطول قعد يجرى وراه الحرامى ... فقام الحرامى حاطط الباب فى نص الشارع وجرى ....فالمسطول وقف عند الباب وقال له افتح يا جبان
--------------------------------------------------------------
مره واحد حب ينتحر طلع الدور العاشر لاقاه مقفول نط من الخامس مرتين
---------------------------------------------------------------
مرة واحد حشاش بيقل لصحبه حلمت اننا فنانين انت فنان تشكيلي وانا فنان بشكيلك
---------------------------------------------------------------
مرة واحد ركب دش فوق السطح فعلشان ماحدش يقرب منه من السكان بنى حواليه كوخ وقفله وقال
للسكان انا حاطط أسد في الكوخ ده فمحدش يقرب منه أحسنله ، السكان فضلوا خايفين يطلعوا السطح لحد مايوم الشجيع بتاعهم طلع وراح فاتح الكوخ راح نازل جري ووشه أصفر السكان قالولوه ايه شوفته ، قالهم لأ أنا شوفت الطبق اللي بياكل فيه بس
-----------------------------------------------------------------
تلاتة صعايدة وأبوهم دخلوا يحيو فرح راح الاول نقط بخمسة جنية وضرب طلقة في
الجو راح التاني منقط بعشرة جنية وضرب طلقتين في الجو راح التالت منقط بعشرين وضرب ثلاثة طلقات في الجو جه ابوهم وحب يعمل مجاملة نقط بمائة جنية ورمي قنبلة علي الفرح
------------------------------------------------------------------
مرة طيارة طايرة فى الجو وبعدين شويه كده والطيارة اعدت تتهز تتهز والطيار قال يا
جماعه الطيارة هاتقع علشان الوزن تقيل ممكن تلاته من الركاب يضحوا بنفسهم علشان الباقى يعيش قام الامريكى وفتح الباب وقال امريكا رمز الحريه ورمى نفسه قام بعده الفرنساوى وقال فرنسا رمز التضحيه ورمى نفسه قام الصعيدى بعدهم وفتح الباب وقال مصر رمز الفهلوة ....... وراح رامى المضيفه
-----------------------------------------------------------------
مره واحد بيقول لمراته انا بحب فيتراك اوى قالت له وانا بحب سمير اوى قالها ياوليه فيتراك ده مربى قالت وسمير ده عسل
------------------------------------------------------------------
مرة واحدة ست بتقول لجارتها الحقيني يا أم محمد بعت جوزي يجيبلي ملوخية راح مخبوط بأتوبيس ... يالهوي وعملتي إية .. عملت بامية وامري لله
-------------------------------------------------------------------
العمل
المزاج
